fbpx

კოსმეტიკური სტომატოლოგია: ჩარევამდე და ჩარევის შემდგომ

მაისი 14, 2020

გსურთ გაიუმჯობესოთ ღიმილი?

იხილეთ რისი გაკეთება შეუძლია თქვენი ღიმილისთვის ბრეკეტებს, გვირგვინებს, ვინირებს, კბილების გათეთრებას, ხიდებს, იმპლანტებს, ღრძილების ფორმის შეცვლას – ან თუნდაც კბილების სრულ რეაბილიტაციას.

სტომატოლოგიური (დენტალური) ბონდირება

ბონდირება არის პროცედურა, რომლის დროსაც გამოიყენება კბილის ფერი წებოვანი (ფისოვანი) მასა, რომელიც მყარდება სპეციალური შუქით და ეწებება კბილს, რაც საბოლოოდ ემსახურება ღიმილის გაუმჯობესებას. ყველაზე უმარტივეს და იაფ კოსმეტიკურ სტომატოლოგიურ პროცედურებს შორის, ბონდირებას (“შეწებებას”)შეუძლია კბილის მოტეხილი ნაწილების ან ბზარების აღდგენა, სივრცეების დახურვა, კბილების ფორმის შეცვლა ან ვერცხლის ამალგამის ბჟენის ალტერნატიული კოსმეტიკური ჩანაცვლება.

ვინირები

ვინირები წარმოადგენენ შეკვეთის შესაბამისად დამზადებულ თხელ ფირფიტებს, რომლებიც ფარავენ კბილების წინა ზედაპირს. ვინირებს,
კბილების წინა ნაწილზე ამაგრებენ, მათი ფერის, ფორმის, ზომისა თუ სიგრძის შეცვლის მიზნით. ისინი მზადდება ფაიფურისგან ან პოლიმერული კომპოზიტისგან. ვინირები გვაძლევენ დამზოგავი მიდგომის შესაძლებლობას კბილის ფერის ან ფორმის შეცვლისას, მაგრამ ეს პროცესი შეუქცევადია.

ხელოვნური გვირგვინი

ხელოვნური გვირგვინი არის კბილის ფორმის ერთგვარი ხუფი, რომელიც ჩამოეცმება დასუსტებულ ან დაზიანებულ კბილს, მისი ფორმის, ზომის, სიმტკიცის ან გარეგნული სახის გასაუმჯობესებლად. ხელოვნური გვირგვინების უმრავლესობის მომსახურების ვადა 5-დან 15 წლამდე გრძელდება. ის შეიძლება დამზადდეს მეტალისგან, ფაიფურის შენადნობისგან მეტალთან, კომპოსიტისგან ან კერამიკისგან. ხელოვნური გვირგვინის დამაგრებამდე კბილი უნდა დამუშავდეს. ამის შემდგომ ახდენენ ხელოვნური გვირგვინიის მორგებას და ჩაცემენტებას (დაფიქსირებას), ისე, რომ იგი სრულად ფარავს კბილს. ჩანართები და სამი მეოთხედიანი ხელოვნური გვირგვინიები ნაკლებად ფარავს კბილის ფუძეს.

მინანქრის ფორმირება

მინანქრის ფორმირება ანუ კონტურული დამუშავება – ეს არის ბუნებრივი კბილების ფორმირების სწრაფი და უმტკივნეულო პროცესი მათი გარეგნული იერის გასაუმჯობესებლად. იგი ჩვეულებრივ გამოიყენება მცირე დეფექტების გამოსწორების მიზნით, მაგალითად, არათანაბარი კბილების ან შეჯგუფებული კბილების შემთხვევაში. შედეგის ხილვა შესაძლებელია მომენტალურად. მინანქრის ფორმირება ხშირად შეთავსებულია გათეთრების, ვინირების ან ბონდირების პროცედურასთან.

ორთოდონტია (ბრკეტები)

ბრეკეტები ემსახურება გადახრილი ან გადანაცვლებული კბილების გასწორებას. მათი დანიშნულება არის ნებისმიერი ადამიანის – როგორც მოზრდილის, ასევე ბავშვის – ჯანმრთელობისა და ღიმილის გაუმჯობესება. ბრეკეტები მუშაობენ კბილებზე მუდმივი ზეწოლის განხორციელებით ხანგრძლივი დროის განმავლობაში, რათა ნელ-ნელა მოხერხდეს მათი დაბრუნება სწორ მდგომარეობაში. ზეწოლის ქვეშ კბილების მოძრაობის შესაბამისად კბილის ძვლოვანი ბუდე იცვლის ფორმას.

ბრეკეტების სახეობები

მიუხედავად იმისა, რომ მეტალის ბრეკეტები ჯერ კიდევ გამოყენებადია, ისინი შეიძლება იყოს იმდენად შეუმჩნეველი, რამდენადაც ეს თქვენთვის იქნება მოსაწონი. ბრეკეტები – ნაწილები, რომლებიც მაგრდება თითოეულ კბილზე – შეიძლება იყოს გამჭვირვალე, კბილის ფერი ან მრავალფეროვანი. მათი დამაგრება კბილის უკანა კედელზეც არის შესაძლებელი, რათა არ მოხვდნენ მხედველობის არეალში. არსებობს ასევე „უხილავი“ ბრეკეტებიც, რომლებიც, კბილების თანდათანობით გასწორებისთვის, იყენებენ გამჭვირვალე პლასტიკური ფორმების სერიას.

კბილების გათეთრება

ვის არ მოსწონს ნათელი ღიმილი? ხელმისაწვდომია კბილის გათეთრების სისტემების ასორტიმენტი, მათ შორისაა კბილის პასტები და სავლები საშუალებები, არასარეცეპტო გელები, ლენტები და კაპები, ასევე სტომატოლოგის მიერ გამოსაყენებელი მათეთრებელი საშუალებები. მაგრამ გათეთრება ყველასთვის არ არის მისაღები (შესაფერისი). იდეალურია იმ ადამიანებისთვის, რომლებსაც აქვთ ჯანმრთელი, ბუნებრივი კბილები და ღრძილები. კბილის ყვითელი ტონის მქონე ადამიანები – ნაცრისფერი ტონებისგან განსხვავებით – უკეთესად რეაგირებენ გათეთრებაზე. გაესაუბრეთ თქვენს სტომატოლოგს, რომ გაარკვიოთ, რამდენად შესაფერისია გათეთრება თქვენთვის.

კომპოზიტური ბჟენები

ზოგჯერ, არსებული ბჟენების შეცვლა აუცილებელია ცვეთის, ჩამოტეხვის ან ბზარის გაჩენის გამო. ზოგიერთი იყენებს ამ შესაძლებლობას, რათა თავისი ვერცხლის ამალგამის ბჟენი შეცვალოს კბილის შეფერილობის ნატურალური კომპოზიტით. ამის მიზეზი შეიძლება იყოს ესთეტიკური ან უსაფრთხოება ვერცხლისწყლის შემცველობის გამო. კბილის დიდ ღრუში, კომპოზიტური ბჟენები, როგორც წესი, უფრო სწრაფად ცვდება, ვიდრე ვერცხლის, თუმცა მცირე მოცულობის ღრუში საკმაოდ დიდხანს ჩერდება.

ღრძილის რეფორმირება

ღრძილის ფორმის შეცვლამ შეიძლება გააუმჯობესოს “ღრძილებისმიერი” ღიმილი, რომელშიც კბილები ძალიან მოკლე ჩანს, ან სადაც ღრძილების ხაზი არათანაბარია. ღრძილის ქსოვილის მცირე რაოდენობა და საჭიროების შემთხვევაში ძვალიც, მოცილდება, კბილის უფრო მეტი ნაწილის გამოჩენის მიზნით. ეს პროცედურა შეიძლება შესრულდეს ერთი კბილისთვის, ასევე ღრძილების ხაზის გასასწორებლად, ან რამდენიმე კბილისთვის, ბუნებრივი ფართო ღიმილის მისაღებად.

იმპლანტანტები (იმპლანტები)

მილიონობით ადამიანი (ამერიკელი) კარგავს კბილებს, ძირითადად დაშლის, ღრძილის დაავადებების ან ტრავმის გამო. დენტალური იმპლანტები კბილის ფესვების შემცვლელებია, რომლებიც დამზადებულია ტიტანისგან (ნაჩვენებია მარცხნივ). იგი იძლევა მყარ საყრდენს ფიქსირებული ან მოსახსნელი ხელოვნური კბილების (გვირგვინების) დასამაგრებლად. ინდივიდუალური ხელოვნური გვირგვინების ნაცვლად, ზოგიერთ პაციენტს შეიძლება ჰქონდეს იმპლანტებზე მიმაგრებული პროთეზები.

პროთეზები

პროთეზი წარმოადგენს დაკარგული კბილების ან მიმდებარე ქსოვილების შემცვლელ მოსახსნელ ნაკეთობას. არსებობს ორი სახის კბილის პროთეზი – მთლიანი და ნაწილობრივი. მთლიანი პროთეზი გამოიყენება, როდესაც ყველა კბილის დანაკლისია, ხოლო ნაწილობრივი პროთეზი გამოიყენება, როდესაც რამდენიმე ბუნებრივი კბილი მაინც არის შენარჩუნებული.

ხიდები (ფიქსირებული ნაწილობრივი პროთეზები)

ფიქსირებული (მუდმივი) ხიდი ჩაანაცვლებს ერთ ან მეტ კბილს. ხიდზე მიმაგრებული ხელოვნური გვირგვინები ავსებს უკბილობით გამოწვეულ არსებულ სიცარიელეს.”ხიდი” ფიქსაციისთვის ცემენტდება (ფიქსირდება) ადგილზე. კონსოლური ხიდი გამოიყენება, როდესაც ბუნებრივი კბილები ცარიელი სივრცის მხოლოდ ერთ მხარეს არის დარჩენილი. მერილენდის ბონდირებულ ხიდებზე არის ფაიფურის კბილები, რომლებიც ხიდის კარკასს უჭირავს.

ღრძილების ქსოვილის გადანერგვა (ტრანსპლანტაცია)

კბილების ფესვები, რომლებიც გაშიშვლებულია ღრძილების რეცესიის გამო, შეიძლება მგრძნობიარე იყოს ცხელი და ცივი საკვების ან სითხეების მიმართ, და ისინი კბილებს ‘’აგრძელებს’’. ღრძილების რეცესიას შეუძლია საფრთხეში ჩაგაგდოთ კბილის ფესვებზე ნაპრალის (ღრუს) განვითარების და ძვლის მასის განლევის (დაკარგვის) სახით, რაც საბოლოოდ კბილის დაკარგვას გამოიწვევს. რბილი ქსოვილების გადანერგვას, რომლის დროსაც ღრძილის ჯანმრთელ ქსოვილს გადანერგავენ პირის ღრუს ერთი ადგილიდან მეორეზე, შეუძლია რღძილის რეცესიის და ძვლის მასის განლევის (დაკარგვის) შეჩერება, ასევე ღრძილის ხაზის ესთეტიკის გაუმჯობესება.

ღიმილის გარდაქმნა (ტრანსფორმაცია, შეცვლა, გამოსწორება)

სტომატოლოგიურ ტექნოლოგიათა კომბინაცია შეიძლება გამოყენებულ იქნას მომხიბლავი ღიმილის მისაღწევად. მაგალითად, ფაიფურის ვინირები და ხელოვნური გვირგვინები ასწორებენ გადახრილ კბილებს, ღრძილების ხაზის დარღვევას და ჩამოტეხილ ადგილებს, ცვეთას და შეფერილობას. მიუხედავად იმისა, რომ კოსმეტიკურმა სტომატოლოგიამ შეიძლება მნიშვნელოვნად იმოქმედოს ადამიანის ღიმილიზე და პირის ღრუს ჯანმრთელობაზე, სამუშაო საგულდაგულოდ უნდა დაიგეგმოს – თუმცა ბევრისთვის, რთული და ძვირადღირებული პროცესი შედეგის მისაღებად ღირს.

 

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *