fbpx

ჯანმრთელობა და სისხლმდენი ღრძილები

ივნისი 18, 2020

რამდენად მარტივად სისხლმდენია ღრძილები? მიზეზი შეიძლება იყოს ძალიან მარტივი, მაგალითად ჯაგრისის ან ფლოსის (ძაფის) გამოყენებით კბილების არასწორი ტექნიკით წმენდა, ან საქმე შეიძლება გვქონდეს  ჯანმრთელობის პრობლემებთან, რომელიც  აუცილებლად უნდა იქნას გამოკვლეული.

საერთო მიზეზები

თქვენი ღრძილები სისხლმდენია, თუ:

• გაქვთ გინგივიტი, დაავადება რომელსაც იწვევს ღრძილების ანთება

• იყენებთ ძალიან მაგარ ან არასაკმარისად რბილ ჯაგრისს

• თქვენი ღრძილები მიუჩვეველია კბილის ძაფის (ფლოსის) გამოყენებას

• იღებთ სისხლის გამათხელებელ კონკრეტულ პრეპარატებს

• გაქვთ ორსულობისთვის დამახასიათებელი ანთებადი ღრძილები (ორსულობის გინგივიტი)

• გაქვთ ცუდად მორგებული კბილის პროტეზი.

გინგივიტი

ღრძილებიდან სისხლდენა წარმოადგენს გინგივიტის (ღრძილების ანთების) ნიშანს. ეს არის ღრძილების დაავადების გავრცელებული, მარტივი ფორმა, რომელიც კბილებზე ნადების დაგროვებით არის გამოწვეული. ამ დროს ღრძილები გაღიზიანებული, გაწითლებული, შეშუპებული და სისხლმდენია.
პირის ღრუს მოვლით თქვენ შეგიძლიათ ამ პრობლემის აღმოფხვრა. გაიწმინდეთ კბილები დღეში ორჯერ, ყოველდღიურად გამოიყენეთ კბილის ძაფი, ანტიბაქტერიული სავლები და რეგულარულად ეწვიეთ თქვენს სტომატოლოგს.

პაროდონტიტი

ღრძილების ანთების, გინგივიტის მკურნალობის უგულებელყოფას მივყავართ ისეთ დაავადებებთან, როგორიცაა პაროდონტიტი და პერიოდონტიტი. ეს დაავადებები ხანგრძლივად მიმდინარე პროცესებია, რომელებიც იწვევენ კბილის ირგვლივ არსებული რბილი ქსოვილების და ძვლის დაზიანებას, რომლებიც ემსახურებიან კბილების ყბის ძვალში ფიქსირებას.

თუ თქვენ გაქვთ პაროდონტიტი თქვენი ღრძილი ანთებადია და დაზიანებულია, შესაბამისად არის მისი კბილისგან მოცილების საშიშროება.

როდესაც თქვენი ღრძილები ადვილად სისხლმდენია, ეს შეიძლება იყოს პარადონტიტის ნიშანი. კბილები ირყევა და შესაძლებელია სრულიად საღი კბილიც კი კბილბუდედან ამოვარდეს. ამ დროს პაციენტი პირის ღრუდან არასასიამოვნო გემოს და სუნს გრძნობს და თუ იგი მკურნალობას არ მიმართავს ეს პროცესი გამოიწვევს კბილების დაკარგვას.

დიაბეტი

სისხლმდენი და შეშუპებული ღრძილები შეიძლება იყოს პირველი ან მეორე ტიპის დიაბეტის გამაფრთხილებელი ნიშანი.
დიაბეტით დაავადებულ პაციენტს ნაკლები შესაძლებლობები აქვს პირის ღრუში არსებულ მიკრობებთან საბრძოლველად, რაც ზრდის მის შანსებს დაავადდეს ღრძილების ინფექციური დაავადებებით. დიაბეტისთვის დამახასიათებელი სისხლში შაქრის მაღალი დონით არსებობა, აფერხებს შეხორცების პროცესებს, რაც უფრო მეტად ამძიმებს ღრძილების დაავადებებს.

 

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *